Аж үйлдвэрийн өмчийн газрын үндсэн чиг үүрэг:

• Шинэ бүтээл, ашигтай загвар, барааны тэмдэг, газар зүйн заалт, бүтээгдэхүүний загварын эрхийн хамгаалалт хүссэн мэдүүлгийг хүлээн авч шийдвэрлэх;
• Аж үйлдвэрийн өмчийн лицензийн гэрээний бүртгэл хөтлөх;
• Патентын хамтын ажиллагааны гэрээ, бүтээгдэхүүний загварын олон улсын бүртгэлийн тухай Гаагийн хэлэлцээр, Барааны тэмдгийн олон улсын Мадридын хэлэлцээр, Барааны тэмдгийн олон улсын бүртгэлийн тухай Мадридын хэлэлцээрийн протоколын дагуу хүлээн авагч байгууллагын чиг үүргийг гүйцэтгэх; 
• Оюуны өмчийн итгэмжлэгдсэн төлөөлөгчийн тусгай зөвшөөрөл олгох үйл ажиллагааг гүйцэтгэх;
• Аж үйлдвэрийн эрхийн хамгаалалтын статистикийн мэдээг Дэлхийн Оюуны өмчийн байгууллагын стандартын дагуу гаргах; 
• Аж үйлдвэрийн өмчийн цаасан болон цахим сан бүрдүүлэх; 
• Аж үйлдвэрийн өмчийн салбарын Монгол улсын олон улсын гэрээний хэрэгжилтийг хангах арга хэмжээ авах; 
• Аж үйлдвэрийн өмчийн салбарт олон улсын болон ижил төрлийн байгууллагуудтай хамтын ажиллагааг хөгжүүлэх, газар зүйн заалтын хамгаалалтын зохицуулалтаар дамжуулан Монгол Улсын хөдөө, аж ахуй, үйлдвэрлэлийг хөгжүүлэх бодлогыг хэрэгжүүлэх ажлыг зохион байгуулах;
• Монгол Улсад эрхийн хамгаалалт хийгдсэн аж үйлдвэрийн өмчийн мэдээллийг олон улсын хайлтын системд нэгтгэх ажлыг зохион байгуулах.