Дэлхийн оюуны өмчийн өдрийг угтан “Оюуны өмч ба Залуучууд: Ирээдүйнхээ төлөө зохион бүтээцгээе” уриан дор Шинжлэх ухааны академийн төв байранд оюуны өмчийн талаар сургалт зохион байгууллаа. Сургалтад Оюуны өмчийн газрын Зохиогчийн эрхийн хэлтсийн ахлах мэргэжилтэн Г.Ууганцэцэг “Зохиогчийн эрхийн тухай хуулийн шинэчилсэн найруулга” , Шинэ бүтээл, ашигтай загварын ахлах шинжээч Б.Одгэрэл “Патентын тухай хуулийн шинэчилсэн найруулга”, “Технологи, инновацийг дэмжих төвийг Дэлхийн оюуны өмчийн байгууллагын бодлого ба Монгол Улс дахь Технологи, инноваци дэмжих төвийн үйл ажиллагаа” сэдвээр сургалт зохион байгуулав.