Монгол Улсын Их Сургуулийн Технологи, инноваци дэмжих төв, Оюуны өмчийн газар, “TISC” хөтөлбөрөөс 2022 оны 4 дүгээр сарын 14-ний өдөр “Оюуны өмч” сургалтыг МУИС, ХШУИС-ийн Мэдээлэл, компьютерийн ухааны тэнхимд зохион байгуулав. Уг сургалтад Оюуны өмчийн газрын Шинэ бүтээл, ашигтай загварын ахлах шинжээч Б.Одгэрэл “Оюуны өмчийн төрөл, ангилал ба эрх зүйн зохицуулалт”, Зохиогчийн эрхийн хэлтсийн мэргэжилтэн М.Ариунболд "Зохиогчийн эрх, мэдээллийн технологийн салбар дахь оюуны өмчийн эрх зүйн зохицуулалт" сэдвээр тус тус сургалт орж, оролцогчдын дунд хэлэлцүүлэг өрнүүлэн мэдээлэл солилцож, туршлага хуваалцлаа.