Монгол Улсын Засгийн газрын хэрэгжүүлэгч агентлаг-Оюуны өмчийн газар 2019 оныг Мэдээлэл, сурталчилгааны жил болгож зарласан бөгөөд Оюуны өмчийн эрхийн хамгаалалтын талаарх ерөнхий ойлголтыг түгээх, олон нийтэд сурталчлах ажлын хүрээнд Дорнод аймгийн иргэд, жижиг дунд бизнес эрхлэгчдэд зориулан оюуны өмчийг өөрсдийн бизнесийн үйл ажиллагаанд хэрхэн ашиглах талаар “Оюуны өмчийн эрхийн хамгаалалт” сэдвээр сургалтыг явуулж мөн Оюуны өмчийн багц хуулийн төслийн Патентийн тухай хуулийн шинэчилсэн найруулга, Зохиогчийн эрх болон түүнд хамаарах эрхийн тухай хуулийн шинэчилсэн найруулга, Барааны тэмдэг, газар зүйн заалтын тухай хуульд нэмэлт өөрчлөлт оруулах тухай төслийн талаар танилцууллаа.
Сургалтаар Оюуны өмчийн газрын дарга Э.Эрдэнэсүрэн, Захиргаа удирдлагын хэлтсийн дарга С.Ганзориг, Барааны тэмдгийн шинжээч Б.Оюунцэцэн, З.Гэрэлмаа Бүтээгдэхүүний загварын шинжээч О.Оюунгэрэл Мэдээлэл технологийн мэргэжилтэн Ч.Сод-Эрдэнэ нар оюуны өмчийн эрхийн хамгаалалтын талаар болон хяналт шалгалтын чиглэлээр мэдээлэл өгч, сонирхсон асуултад хариу өглөө.
Улаанбаатар хот, БЗД 3-р хороо, 13 хороолол, Зүүн 4 зам, Оюуны өмчийн газар
